Ferð á slóðir Eglu og í Reykholt

Við í 6. bekk fórum til Borganess á sýningu í Landnámssetrinu. Við fengum heyrnartól og hlustuðum á sögu Egils Skallagrímssonar. Á sýningunni var flottur spýtukall og bara allt flott. Ég og Bergrún vorum saman á sýningunni. Við sáum líka beinagrind ofan í gólfinu. Okkur brá svolítið þegar við sáum beinagrindina. Því næst fórum við að skoða Brákarsund þar sem Brák, fóstra Egils, hoppaði útí sjóinn og Skallagrímur kastaði steini á eftir henni. Þá skoðuðum við haug (gröf) Skallagríms sem er í Skallagrímsgarði. Þá fórum að skoða staðinn þar sem Egill bjó en hann heitir Borg á Mýrum.Því næst keyrðum við í Reykholt og  skoðuðum kirkju og hún var mjög falleg og þar talaði við okkur séra Geir Waage. Svo fórum við í aðra kirkju og lærðum um Snorra Sturluson en margir halda að hann hafi skrifað söguna um Egil. Við fengum líka að kíkja inn í göng og sáum Snorralaug sem Snorri og þeir böðuðu sig í og hún var óskemmd. Svo fengum við að sjá styttu af Snorra Sturluson. Að lokum fórum við aftur í rútuna og keyrðum heim. Mér fannst skemmtilegast þegar við fórum á sýninguna og þegar við fórum að skoða Brákarsund. Mig langar að fara einhvern tímann aftur í svona ferðir af því að ég lærði svo mikið af þessu. Þetta var bara mjög gaman.